先去了看來很快會執笠的序言書室。行樓梯上七樓，唔想搭 lift。喘左氣成分鐘。入面得另一個人打緊書釘。參觀了一會，發覺佢 d 書真係貴到飛起，而且種類真係少左 d。不過總算係有 d 應該要有 ge 英文小說，雖然未做到應有盡有。(當然，我其實都唔知咩叫做應有。不過，如果佢連我看過的都沒有，就實在差了點。)
香港普通的書局大多都係得中譯本賣，一係就係一 d 尚未 "被" 入流的新作，行到冇哂癮喇。 (尚未入流，並不代表它們不入流，只因作品的好壞除了一時一刻的 popularity 外，應該要經得起時間的考驗，過了熱浪就被人完全忘記的，就算大賣一千萬冊，也好打有限 -- 尤其是現今世代，一個作品越能譁眾就越 popular，實在冇野好講) 所以，哩間野都有佢可取之處 ge。
之後去看中國當代的文學吧，又沒有我最愛看的那兩位，過份！
多逛了一會，便落一層去另一間舊書店。舖名已經忘掉了。那兒很亂，一點條理也沒有，而且有勁多根本沒人會買的書 -- 拿來斷斤秤也嫌髒。想找書的話，一定要靠運和靠一雙好眼睛。
忽然見到有楊絳全集，但係就冇乜佢老公架喎，真係.. 不過其實我都幾中意睇佢，特別係佢 d 回憶錄。這幾天就正正在看她的《雜憶與雜寫》。她通常會故意不太清楚地寫那個時代不同社會階層的面貌。不太清楚也好 -- 可能就是這種神秘感使讀者有興致去自己胡亂作出猜想。
想 give up 的時候見到有本沈從文小說集，$25，但係我真係唔想買簡體，就算本野幾靚都好。於是狠狠地又放下了。
之後去田園教協。真係平過中華書局好多。我以後都唔去中華書局買喇。不過佢 d 英文書仲少過中華書局。譯文始終冇咁好喇，去圖書館借又冇得 "眉批"。
又冇斬獲。於是去另一間田園。
一上到去，覺得哩間似 d 樣喇。雖然亂 d，不過好似幾多書。淨係 "新潮" 文庫都已經有兩、三排。早知就黎哩度買《百年孤寂》啦..
愈睇愈冇癮。因為發覺自己成日嚮中華書局買貴書。其實買 ge 時候都知佢貴，不過就係唔想特登搭車去旺角買。
唸住打道回府啦，忽然.. 嘻嘻！仲唔俾我搵倒你！搵左成三個鐘喇。哈哈。其實去序言都係唸住睇下搵唔搵倒佢。嘿嘿，之唔係又係沈生。
順手又買多一本格林成人童話全集 (第 3 冊)。響地鐵度睇。唔怪得叫成人童話。IIB 級呢。總之一定唔可以用黎講俾小朋友聽。
No comments:
Post a Comment