My All-star Weekend!!

嗯，點左題先！唔知點解，我的 lunar new year break delay 左九日，又唔知點解咁橋同 NBA All-star Weekend coincide。Ho ho, 聽朝會爬起身睇 All-Star game！TVB 竟然有得播！好耐冇睇過波喇。

今日好開心呀。約左 Thailand, Nelson, Steven 去 Jenny 屋企。部 printer 唔生性，幫家姐 print print 下野又 "故態復萌"，搞到遲大到，要世伯專登踩架單車去 "報案室" 接我，超唔好意思。大個左之後都係第一次坐人車尾，其實呢，真係爽過搭的士呀！好正！好舒服！

去到食左兩件年糕，飲左四杯茶，吹左少少水，聽下英文版的《歸去來兮辭》，就開始踩單車，踩去呢個黃泥墩村。

對上一次踩其實已經係嚮 Vancouver 果陣。我仲記得果次去 Stanley's Park 度踩，俾 d 踩 roller ge 阿婆係咁過我，嚮我後面係咁大叫 "on your right"，弄得我急踩 brake，差點搞出人命。兩年半 ge 今日，好似有 d 進步喎。

之後查實都唔知係唔係行左去黃泥墩水塘，我傻下傻下咁，目的地係邊都搞唔清楚。睇返地圖又似乎係果個水塘，睇落行左都幾遠喎。行左 3 個鐘，真係咪話，長城都係差唔多係咁 g ma，分分鐘今日仲多好漢位 (definition：隨時 18 年後會做果 d)！

一路行，我淨係覺得如果有個地方可以一路行，一路四處望，雙手放嚮後枕，然之後感受下 d 田園氣息就好囉。只不過如果一咁做，就一定會 PK。最好就好似《始得西山宴遊記》咁席地而坐下就好 lu。"悠悠乎與灝氣俱，而莫得其涯！洋洋乎與造物者遊，而不知其所窮！" "心凝形釋，與萬化冥合。" 古文呀古文，我真係好中意你呀，但係點解我淨係識背咁少架呢？

落山之後偷雞入左大棠荔枝園。見倒好多動物呀，有馬，有牛，有羊！我哩 d 城市中的鄉下人真係第一次去返 d 應該屬於自己的地方 ja.. 雖然 "我膽小如鼠" (我屬鼠)，見倒佢地真係好驚，但係其實我真係好想企嚮佢旁邊觀察下佢地。不過其實，佢地大隻就大隻，反而冇見倒野狗咁得人驚。我真係好驚狗。大概係俾動物 (namely, monkey) 抓傷過之後的 "少年" 陰影。

今日踩單車見倒狗，就唸起我哥哥話試過踩全速賣甩隻追住佢 ge 狗，一唸起就驚。好在佢地都係 "蟹" 下我 je，冇追我..

之後去返 MKTT 度燒烤。又係好唔好意思，幾個 "壯過唔壯" ge 壯丁竟然個個眼定定睇住個火著，實在有點兒那個呢！不過想幫都真係無從 "入手"。實在太客氣了。

然之後，因為我要趕下一場，所以我最過分，每人都燒 d 野過我食 (真果 d，唔係紙果 d)，完全坐享其成咁滯。真係唔該哂咁多位。

食到半飽就走 lu。又一個人生 ge 第一次！就係踩街！又要麻煩世伯，今日我都 super 麻煩。今次感覺上叻過兩個鐘前，我覺得開始控制倒點轉一 d 又斜又窄 ge 彎位 lu。好 enjoy！踩單車真係好舒服！

下一場：李克勤演唱會。以往，一 "重見天日" 都會有一首歌，在腦海裏輪迴播。今次竟然冇。全程都好好聽，但係又真係冇乜好 special ge memory，冇哩個 "Magic moments"，就連歌都冇首 "繞樑一日"。唯一有 d 驚喜就係佢唱左世界末日的早上、命運符號、好戲之人。同唱左哩個 "真的愛你"，俾黃貫中把聲蓋過哂，實在估唔倒。

另一個原因係，今日有第二 d special memories，令到個演唱會失色不少呢。哈哈。我要相！

明天、後天，繼續我的 All-star weekend！不過聽日都係俾左野老細先。睇埋 all-star game 就開始做。