"行街"

見完老細，依然覺得係一盤冷水。每星期都要淋一次。我的 "熱誠" 全部煙消魂散了，唉，Research！

回家嗎？時間又尚早。於是傻呼呼地就步行出科大！

本來打算行唔到彩虹都至少去到井欄樹。不過今日天色唔係幾好，驚佢無啦啦落雨。於是，只係行到壁屋就打退堂鼓了。都行左成三十幾分鐘。因為係用龜速。我唸快過 snail's pace 掛。

見倒 1A，但係唔知幾錢，又唔知係唔係去到彩虹 "港鐵站"，於是上了 91。哈，行餐懵 ge，反而仲搭貴車..

因為搭貴車 ge 緣故，於是決定去埋荷里活。其實去到都冇乜野想做。去麥記食左少少野，又去三聯睇左陣書。哩間三聯好唔掂。荃灣同新世紀果間好得多。

然後又回家了.. 好無聊的一天。今晚，甚至連 "最美麗的第七天" 都睇埋，哈，typical 無線！

=====

Treasure Island 看了 1/4。沒啥了不起喎~~ 不過可能好戲在後頭掛。一路聽，一路睇，都幾好 ge。有時唔想睇，淨係聽，又得。得左。

=====

又想想但丁。要去天堂，要先經過地獄和煉獄。做一個三界都唔收 ge 人，好難，因為明明看見天堂裏也不少人。至於地獄和煉獄的那一群，也許他們不知道天堂的存在，所以才自以為自己活在天堂。看不通透有時也是幸運的事。

而家最大的困繞：去煉獄搞乜好？我都想去天堂呢！